«Ереже бойынша талап орындаймыз»

2024 жылдың 23 тамызында Мариновка ауылдық балалар кітапханасы балаларға арналған жазғы оқу және сауықтыру бағдарламасы аясында «Ереже бойынша талап орындаймыз» атты жол қозғалысы ережелерінің калейдоскопын өткізді.
Іс-шараның мақсаты: көшеде өзін-өзі ұстау дағдыларын дамыту, оқушылардың жол қозғалысы қауіпсіздігі туралы білімдерін кеңейту, оқушылардың жеке қауіпсіздігіне жауапкершілік сезімін ояту.
Өміріңізге қауіп төндірмеу және көлік қозғалысына кедергі келтірмеу үшін жол қозғалысы ережелерін оқып, білу қажет. Жол белгілерімен таныстыру үшін кітапханаға мектеп жанындағы лагерьдің балалары шақырылды. Бұл тақырып өмірмен байланысты болғандықтан әрқашан өзекті. Балалар күн сайын жол қозғалысы ережелерімен кездеседі.
Кітапханада кітап көрмесі мен жол қозғалысы ережелерінің көрмесі ұйымдастырылды. Балалар бізді жол белгілері мен жолда жүру ережелері туралы білімдерімен таң қалдырды. Кітапханашы балаларға «Ең сенімді – жол белгісі» ертегісін оқыды, ал Настя Тараненко мен Роман Криворучко өлең оқыды. Шара соңында балалармен бірге ауылдың жол белгілері орнатылған көшелерін аралап, естелік суретке түстік.