Оқиғалар мен іс-шаралар
«Бейбіт аспан астында Қазақстан гүлдене берсін»
10.12.2021ж.І.Есенберлин атындағы аудандық Орталық кітапханада Қазақстан Республикасы Тәуелсіздігінің 30 — жылдығына орай «Бейбіт аспан астында Қазақстан гүлдене берсін» атты әдеби –музыкалық композиция ұйымдастырылды.
Іс-шараның мақсаты: оқырмандарға Отанға деген сүйіспеншілікті, құндылықты жеткізу, өз еліне деген мақтаныш сезімін ояту, патриотизм мен азаматтыққа, оның бай тарихы мен қиын тағдырын, туған өлкесінің табиғатына деген сүйіспеншілікке тәрбиелеу.
Іс-шарада Атбасар қаласының жас, талантты әртістері : Н.Кенбейлова Д.Нұртаза, М.Точиева және Е. Альпеисов Отан туралы патриоттық әндер шырқады және ҚР Тәуелсіздігі туралы М.Точиева мен Д. Отарбаева әдемі өлең шумақтарын оқыды. Т. Қайрат домбырамен тамаша әуен орындады.
Іс-шараға Тәуелсіздік құрдастары, «Алтын бесік «клубының мүшелері және Атбасар АИК колледжінің студенттері шақырылып, сонымен қатар «Алға ұмтылған Тәуелсіз Қазақстан» атты кітап көрмесі рәсімделді.
